Íþróttabandalag Akureyrar 80 ára - afmælishátíð í Boganum

Íþróttabandalag Akureyrar fagnar 80 ára afmæli sínu 20. desember næstkomandi. Af því tilefni munum við slá upp sannkallaðri íþróttahátíð í Boganum á Akureyri laugardaginn 7.desember.

Hátíðin verður sett með stuttu ávarpi formanns ÍBA klukkan 13:00 en hátíðin sjálf stendur til 17:00.

Innan vébanda ÍBA eru tuttugu íþróttafélög og munu flest þeirra vera á staðnum og kynna starfsemi sína og leyfa gestum og gangandi að prufa hinar ýmsu íþróttagreinar en innan aðildarfélaga ÍBA eru hátt í 50 íþróttagreinar. Auk þess fáum við nokkra góða gesti í Bogann sem munu halda uppi fjörinu með okkur og boðið verður upp á léttar veitingar fyrir gesti.

Þennan sama dag á Íþróttafélagið Akur, sem er eitt af aðildarfélögum ÍBA, einmitt líka stórafmæli en félagið fagnar 50 ára afmæli sínu þennan dag og verður því fagnað sérstaklega á hátíðinni.

Dagskráin er í mótun og verður kynnt betur þegar nær dregur svo við hvetjum alla til að fylgjast vel með hér á heimasíðunni og einnig á Facebook og Instagram síðum ÍBA. Endilega fylgið okkur á þessum miðlum og skráið ykkur á viðburðinn á Facebook. 

Hlökkum til að sjá sem flesta, allir velkomnir og að sjálfsögðu frítt inn fyrir alla.